Ғабидолла Әбдірахымов 2023 жылға дейін Шымкент қаласының кешенді даму туралы айта келе, Шымкентте қыз алып қашу жоқ екендігін жеткізді, деп хабарлайды Neonomad.kz.
Бүгін Үкімет отырысына қатысқан Шымкент қаласының әкімі Ғабидолла Әбдірахымов жиыннан соң журналистерге сұқбат берді. Өз сөзінде ол 2023 жылға дейін Шымкент қаласын дамытудағы жоспарларымен бөлісті, сонымен қатар туристер қызығатындай қала болуы үшін не істеліп жатқанын айтты. Бірақ журналистерді тағы бір мәселе қызықтырды. Шымкенттегі қалыңдық ұрлау салтына байланысты сөз қоғалғанда, әкім қыздардың өзін кінәлағандай болды:
«Шымкентте қыз алып қашу деген жоқ. Қазір осы жағдайға тікесінен қарайтын болсаңыз оның барлығы Шымкент туралы қауесеттер екенін аңғаруға болады. Бірақ менің ойымша, кейде қыздардың өзі алып қашқанын қалайтын сияқты», – деді әкім.
