АҚШ-та Ақ үй қызметкерлері жалған детекторында тексерілмек. Трамп осындай шешімге келген, деп хабарлайды Neonomad.kz ақпараттық агенттігі ҚазАқпарат сайтына сілтеме жасап. 

Трамп журналистерге құпия ақпарат тарататын Ақ үй қызметкерлерін анықтау үшін жалған детекторын қолданбақшы.

«Ақ үйдің кейбір қызметкерлері өздерінің адалдықтарын дәлелдеу үшін ерікті түрде жалғандық детекторында тексерістен өткен», делінген ақпаратта.

Politico сайтының мәліметінше, Трамп президенттіке енді сайланғанда-ақ полиграфты қолданысқа енгізгісі келген екен. Алайда оның көмекшілері әдістің тиімсіз болуы мүмкін екенін айтып, тоқтатқан.

Басылымының хабарлауынша, енді ақпаратшыларды шпиондарға теңеген АҚШ президенті оларды жазалаудың жолдарын қарастырып жатыр.

Бұған дейін Трамп президенттікке түскелі бері БАҚ-та «жалған» ақпарат тарайтынына шағымданған еді. Сонымен қатар ол The New York Time мен басқа БАҚ-тарды фейк басылым деп айтқан еді. Ал 2017 жылы ақпан айында ол журналистерді халық жауы деп атады.