Күйеуі үйінен қуып жіберген соң құдықта тұрып келген Айнұрды анасы іздеп келді, деп хабарлайды Neonomad.kz ақпараттық агенттігі Lada.kz басылымына сілтеме жасап.
Анасы мен қызының кездесуіне себеп болған жергілікті еріктілер. Келіншектің қиын тағдыры туралы бейне түсіріп, оны желіге жүктеп, жергілікті тұрғындарды құлағдар етеді. Сөйтіп Павлодар облысының Ақсу қаласының тұрғындары басылымға қоңырау шалып, бұрын Ақтауда тұрған Айнұрдың туыстарын табуға көмектесуді сұрады.
Айнұрдың оқиғасы туралы видео YouTube желісіндегі «Культурный 14 Регион» каналында жарияланды.
Белгілі болғандай, видеоның авторы түрлі жағдайлармен далада қалған жандарға азық-түлік жеткізеді екен. Солардың ішінде Айнұрда бар. Сөзіне қарағанда, оны күйеуі үйінен қуып жіберген. Шарасыздан ол кәріз жүйесінде тұруға мәжбүр.
Ақыры Ақсуға Айнұрдың шешесі іздеп келді. Осылайша волонетерлер мен жергілікті тұрғын Мырзабек үйсіз әйелге туыстарын табуға көмектесті.
