Алматы облысында жеңіл көлік көпірден құлап, салдарынан екі адам көз жұмды, деп хабарлайды Neonomad.kz ақпараттық агенттігі Zakon.kz сайтына сілтеме жасап.
Оқиға Шамалған станциясының маңында орын алған. Жол апаты түсірілген видео инстаграмдағы kris_p_kz парақшасында пайда болды. «Шамалған станциясы, жеңіл көлік көпірден ұшып кетіп, өзенге түсті ..» делінген видеода.
Алматы облысының полиция қызметкерлері апаттан екі адамның көз жұмғанын растады.
«Жол-көлік оқиғасы таңертең 9.30 уақытында Қарасай ауданында тіркелді. Оқиға орнында полиция қызметкерлері жұмыс жасауда. Жол апатынан 1982 және 1988 жылғы екі азамат қайтыс болды. Бұл оқиғаға қатысты іс бойынша ҚР Қылмыстық кодексінің 345-бабының 4-бөлігінде қарастырылған қажетті сараптамаларды тағайындау арқылы сотқа дейінгі тергеу басталды», – деп жазады сайт.
