Мемлекет басшысы Тоқаев жаңа жылдан бастап шәкіртақыны 25 процентке өсіруді тапсырды. Ол мақсат үшін бюджеттен 18 млрд теңге бөлінеді, деп хабарлайды Neonomad.kz ақпараттық агенттігі Tengrinews.kz сайтына сілтеме жасап. 

«Егер біз қаражатты қайдан алатынымызға тоқталсақ, мұнда республикалық бюджет туралы сөз болып отыр. Барлы есебі бар. Президенттің тапсырмасы уақытылы орындалады», – деді білім және ғылым министрі Асхат Аймағамбетов.

Осы мақсат үшін республикалық бюджеттен 18 млрд теңге шамасында қаражат бөлінеді.

«Егер біз жылына есептесек, мысалы, шамамен 13 миллиард теңге. Бұл тек ЖОО студенттеріне қатысты. Егер бұған колледждерде оқитын студенттерді қоссақ, бұл тағы да 5-6 миллиард теңге», – деп атап өтті БҒМ басшысы.

Оның сөзінше, стипендияның 25 процентке өседі.

«Бізде жоғары стипендия алатын адамдар бар… Үлгеріміне байланысты. Немесе мүгедектігіне, асыраушысынан айырылуына және тағы басқа. Әңгіме осы барлық санаттағы 25 пайызға пропорционал түрде көтерілетіні туралы болып отыр», – деп түсіндірді Асхат Аймағаметов.

Еске сала кетейік, Тоқаев жаңа жылдан бастап студенттердің шәкіртақысын 25 процентке өсіруді бұйырды.