Өскеменде қызық жағдай орын алды. «Сергек» жүйесі эвакуаторға тиелген көлікке айыппұл салыпты, деп хабарлайды Neonomad.kz ақпараттық агенттігі Zakon.kz сайтына сілтеме жасап.
Белгілі болғандай, эвакуаторға тиелген күйі кетіп бара жатқан жеңіл көлікке жылдамдық үшін айып салған.
Рұқсатты жылдамдық сағатына 60 шақырымдық жерде 77-мен жүрген эвакуатордың нөмірін танымаған «Сергек» жүйесі 12 625 теңге айыппұлды оған тиелген жеңіл көліктің иесіне айдап жіберіпті.
Көлік иесі – әйел адам екен. Ол қазір шу шағарып, дауласып жатыр.
