Алматы облысында жеке үйдің ауласында пышақталған екі әйелдің денесі табылды, деп хабарлайды Neonomad.kz ақпарат агенттігі КТК арнасына сілтеме жасап.
45 жастағы әйел туысы мен оның қызын пышақтап өлтірген. Жергілікті тұрғындар жедел жәрдем мен полиция шақырған. Бірақ дәрігерлер келгенге дейін пышақ жарақатын алған әйелдер көз жұмған. Сондай-ақ, қылмыс болған жерден адам өлтіретін қару табылған.
«Оқиға орнына сот-медициналық сараптама жүргізетін мамандар және тергеушілер келді. Күдіктіні іздеу басталды. Марқұмдардың денесінде сарапшылар бірнеше пышақ жарақатын анықтады. Жұмыс тобы құрылып, «Адам өлтіру» бабы бойынша қылмыстық іс қозғалды. Бірнеше сағат ішінде 45 жастағы әйел ұсталды», – деді тергеуші Дамир Мырқасымов.
Марқұмдар бір отбасыдан екені белгілі. Анасы – 67, қызы 44 жаста. Белгілі болғандай, зардап шеккендердің бірі емшілікпен айналысқан. Емделу үшін оған бүкіл ауыл адамдары барған. Кісі өліміне күдікті де дәл сондай мақсатпен келді. Күдікті қайтыс болған адамның туысы болып шықты. Әйел жиі басы ауырады.
«Мен оларға келдім, ол мені қарады. Маған емделуге болмайтынын, менің басымда проблемалар бар екенін және психикам бұзылғанын айтты. Сен ешқашан адам болмайсың деді. Маған бұл ұнамады, мен сол кезде маған не болғанын білмеймін. Мен өзіме және әрекеттеріме есеп бере алмадым», – дейді күдікті.
Мұның бәрі «сиқырлы» рәсімнен кейін басталды, дейді полиция. Ұсталған әйел өзі не болғанын айтып бере алмай, тек ас үй пышағын алғанын есіне түсірді. Күдікті оқиғадан кейін ауылдың шетіне қарай қашқан.
«Әйелмен сөйлесу өте қиын, көптеген сұрақ бойынша ол нақты жауап бере алмайды және өлтірудің нақты себебін атай алмайды. Бірақ ол бұл қылмысын мойындады. Ол туыстарын өлтіргісі келмегенін айтады», – деді тергеуші.
Туысқандарын пышақтаған әйел психикасының бұзылуынан зардап шегетіні белгілі болды. Тергеу шаралары әлі аяқталған жоқ. Іс бойынша бірнеше сараптама тағайындалды. Екі адам өлтіру бойынша тергеу облыстық полиция департаментінің ерекше бақылауына алынды.
