Павлодарда полицейлер 13 жасар оқушының жүктілігіне қатысты істі қарап жатыр, деп хабарлайды Neonomad.kz ақпарат агенттігі.
Полицияға қыз баланың анасы шағымданған.
«30 жастағы тұрғын кәлеметтік жасқа толмаған қызының жүкті болып қалғанын айтып полицияға келді. Оның айтуынша, осы жылдың мамыр айында 16 жастағы жасөспірім мен оның 13 жасар қызы пәтерлердің бірінде жыныстық қатынаста болған. Қазір осы фактіге сәйкес, сотқа дейінгі тергеу жұмыстары жүріп жатыр», – деді өңірдің полиция департаментіндегілер.
Қыздың анасы оның жүктілігі туралы кезекті медициналық тексеру барысында білгенін айтты. Полиция ақпаратынша, қыз бен жігіт мұндай жағдайға қызығушылығын қанағаттандыру үшін тап болған.
«Кәмелеттік жасқа толып үлгермегендер өзінің әрекетін қызығушылықпен түсіндірді. Айтуларынша, біраз уақыт дос болып, кейін бір-бірін ұнатып, ортақ келісіммен жыныстық қатынасқа түскен. Сондай-ақ, ұл бала бұл үшін қылмыстық жауапкершілік бар екенін білмегенін айтты», – деді баспасөз қызметіндегілер.
Қазір оқушы қыз жүктіліктің 13-апталығында.
