Алматы облысы әкімінің орынбасары Бағдат Мәнізоров ресми түрде жұмыс сапарымен жүргені және оның ешқайда қашпағаны туралы ақпарат пайда болды, деп хабарлайды Neonomad.kz ақпарат агенттігі Tengrinews.kz сайтына сілтеме жасап.
Алматы облысы әкімінің баспасөз қызметінің жетекшісі Ғалымұрат Жүкел осы жағдайға қатысты пікір білдірді.
«Ресми түрде Бағдат Мәнізоров жұмыс сапарымен жүр. Мен онымен кеше сөйлестім. Бүгін осындай мәліметтер шығуына байланысты, баспасөз жетекшісі ретінде, құқық қорғау органдарына хабарластым. Егер расталмаса, жалған ақпарат таратушы тұлғаларды жауапкершілікке тартатын боламыз», – деді Ғалымұрат Жүкел.
Өз кезегінде Антикоррупциялық қызмет басшысының орынбасары Олжас Бектенов Мәзіровтің ұсталған-ұсталмағаны туралы әзірге хабардар еместігін айтты.
«Қолға ақпарат түсе салысымен, сіздер білесіздер, агенттік ашық түрде жұмыс істейді, сол себепті біз БАҚ өкілдеріне мәліметтерді береміз», -деді ол.
2019 жылы шілдеде Бағдат Мәнізоров Алматы облысы әкімінің орынбасары болып тағайындалды.
