Алматыда қымбат көлік мешіттің маңындағы тротуарда тұрған бес адамды аямай қығап кетті, деп хабарлайды Neonomad.kz ақпараттық агенттігі КТК телеарнасына сілтеме жасап.
Оқиға орталық мешіт маңайында болған. Қымбат көлікті тізгіндеген жігіт удай мас болған көрінеді. Куәгерлердің айтуынша, жылдамдықты асырған жүргізуші бастапқыда үш көлікті соққан. Содан көлігіне қайта отырып, қашуға әрекеттеніпті. Бірақ, тағы бір көлікті соғып өтіп, тротуардың үстіне шығып кеткен. Бес адамды таптап өткен жол талғамайтын көлік бағанаға соғылып, бір-ақ тоқтаған. Зардап шеккендер дереу ауруханаға жеткізілді. Дәрігерлер біреуінің жағдайы «аса ауыр» деп отыр. Әйелдің жамбасы сынып, 1-ші дәрежелі шок алған.
