Шанхай Пудун халықаралық әуежайында қызметкерден коронавирус анықталды. Осы орайда барлық есік жабылып, тексеріс жүргізіледі, деп хабарлайды Neonomad.kz ақпарат агенттігі.
Басшылығы жүк терминалы қызметкерінің COVID-19 жұқтырғаны расталғаннан кейін 14 мың адамнан тұратын жұмысшылар мен жолаушыларды ұстап, тексеру туралы шешім қабылдады.
Аталған әуежай шекарасы эпидемиологиялық қауіптің орташа деңгейі бар аймақ деп жарияланды.
Жерасты тұрағында арнайы зертхана мен тексеру пунктілері ұйымдастырылды. Әуежайдағы әрбір адам осы тұраққа түсіп, тест тапсырады. Биліктегілер коронавирус жұқтырғандар бар-жоғын әзірге құпия ұстап отыр.
