Қызылордада тұратын әйел бұрынғы күйеуін өлтіру үшін киллер жалдамақшы болған. Полицейлер бұл қылмыстық істің бетін ашты, деп хабарлайды Neonomad.kz полиция Департаментінің баспасөз қызметіне сілтеме жасап.
Тергеу мәліметінше, 20 мың долларға киллер жалдап Түркістан облысында тұратын бұрынғы күйеуін өлтірмекші болған әйел 9 шілдеде тергеу шарасы барысында қолға түсті.
Бірақ орындаушы «тапсырысты» жүзеге асырудың орнына полицияға барады.
– Кісі өлтіруге тапсырыс берген әйел киллерді Шымкентке шығарып саларда 20 мың долларын күйеуінің мүлкін сатқаннан кейін төлеуге уәде еткен. Алдын-ала төлейтін ақшасын беру кезінде әйел ұсталып, қамауға алынды. Оған қарсы ҚР қылмыстық кодексінің 24 бабы, 3 б. бойынша (қылмысқа дайындалу және қылмыс жасауға әрекеттену) және 99 бабы, 2-бөлігінің 8-тармағы (кісі өлтіру) бойынша алдын ала тергеу жүргізілуде, – деді полиция өкілдері.
