Заң қабылданған жағдайда жемқорлыққа қатысы бар деп танылған қызметкердің бірінші басшысы да жазаға тартылатын болады. Аталмыш заң жобаны мәжіліс депутаттары екінші оқылымда мақұлдады, деп хабарлайды Neonomad.kz Парламенттің баспасөз қызметіне сілтеме жасап.
Бұл норма «Мемлекеттік қызмет және жемқорлыққа қарсы іс-қимыл мәселелері жөніндегі кейбір заң актілеріне өзгерістер мен толықтырулар енгізу туралы» заң жобасында қарастырылған. Енді қол астындағы қызметкері жемқорлық жасап ұсталса, бірінші басшысы жауапқа тартылады.
«Бұл өзгерістер қызметкерлерінің жемқорлық әрекеті үшін бірінші басшылардың жеке жауапкершілігін арттыруды көздейді», – дейді депутат Михаил Чирков.
