Көпшіліктен ерекшеленгісі келген қазақстандық жас жұбайлар тойханаға тікұшақпен келді, деп хабарлайды Neonomad.kz Instagram әлеуметтік желісіндегі @kris.p.almaty парақшасына сілтеме жасап.
Тойлары болатын мейрамханаға тікұшақпен ұшып келген жас жұбайлардың видеосы Instagram әлеуметтік желісіндегі @kris.p.almaty парақшасында жарияланды.
Видеода көргендеріңіздей, тікұшақтан түскен той иелерін қонақ күтіп тұрған.
Бірақ жас жұбайлардың бұл әрекетін құптамағандар көп екен. Видео жарияланған парақшаның оқырмандары: «100% осы үшін несие алған болар», «Бір айдан соң ажырасып кетеді», «Жол жоқ қой, сондықтан ұшып келд», «Жақында парашюттен түсетін болады», «100% тойды несиеге жасап жатыр, кейін сусіз, газсыз времянкада тұрады» – деп жазғандар көп.
Ал кейбір пікір білдірушілер болса, ақшасы бар болғандықтан тойын әдемілеп жасайды деп, жас жұбайларды ақтап жатыр. Олардың пікірінше, той Шу қаласында болған екен.
