Қазақстанның қазағы қазақтанып келеді, тек 9 пайызы балаларын орыс мектебіне береді, деген ғалым Әзімбай Ғали саяси элитаны сынға алды, деп хабарлайды Neonomad.kz Zakon.kz сайтына сілтеме жасап.
«Украинаның басына келген сабағы: орысшылдық пен ресейшілдік. Қазақстанның қазағы қазақтанып келеді, тек 9% балаларын орыс мектебіне береді. Яғни, орыстілді қазақ азайып келеді. Бірақ әлі де қазақтың көп бөлігі Ресейдің теледидарының ықпалында. Бізге қазақ саяси ұлтжандылығы керек. Қазақ саяси ұлтжандылығын қолдамай, егемендіктің негізін қорғау мүмкін емес», – деп жазады Әзімбай Ғали Facebook желісіндегі парақшасында.
Бірақ, дейді ғалым, қазақтың саяси элитасы әлі орыстілді.
«Қазақтың саяси элитасы әлі орыстілді, сондықтан орысшылдық қауіпі тек Украинада ғана емес, Қазақстанда да ықпалды. Егемендік идеясының негізі – ұлтжандылықта екенін айтамыз. Сондықтан Қазақ тілді теледидар ұлттық құндылықтарға басымдылық берсе», – дейді ол.
