Талдықорғанда 49 жастағы ер адам жолаушылар автобусына балтамен шабуыл жасады, деп хабарлады Neonomad.kz ақпараттық агенттігі Тaldykorganec_ka парақшасына сілтеме жасап.

Instagram желісінде жарияланған ақпаратқа сүйенсек, оқиға 6 желтоқсанда таңғы 07.00 шамасынада орын алған.

Қалаға қарасты Еркин ауылында, № 26 мектептің маңындағы аялдамада ер адам балтамен автобустың терезелерін сындыра бастаған. Абырой болғанда, зардап шеккендер жоқ.

Қылмыскер екі күн өткен соң қолға түсті. Бұл туралы полиция хабарлады.

«Құқық қорғау органдарының мамандары тексеру барысында оқиғаның соңғы аялдамада болғанын анықтаған. Бірнеше адам осы оқиғаның куәгері болған.  «Осы суреттер мен ақпарат әлеуметтік желіде таралып кетті. Осыған байланысты құқық қорғау органдары тұрғындарды сабырға шақырды, осы іске қатысты қылмыстық тергеу шаралары басталған және 8 желтоқсанда Талдықорған полицейлері күдіктінің кім екенін анықтады. Ол қалалық полицияға жеткізілді. Ол психикалық ауытқуы бар 49 жастағы ер адам, ресми түрде медициналық есепте тұр. Куәгерлер де оны таныды. Балта да табылып, тәркіленді», – деді Алматы облыстық ПД баспасөз қызметінің өкілдері», – деп жазады Tengrinews.kz сайты.

Полицейлердің айтуынша, ер адамның әрекеті қылмысқа жататын болғандықтан, ол өңірлік психоневрологиялық диспансерге жатқызылған.