Чехияның Прага қаласында Қазақстан азаматы көз жұмды, деп хабарлайды Neonomad.kz ақпарат агенттігі ҚР СІМ баспасөз қызметіне сілтеме жасап.
«Қазақстандық елшілердің Алпысбаев жұмыс істеген чехиялық Wunderman компаниясымен жүргізген келіссөздерінің нәтижесінде, компания мүрденің Қазақстанға жеткізілуіне қажетті шығындарды төлеп береді», – дейді СІМ-нің баспасөз қызметіндегілер.
Министрліктегілердің мәліметінше, қазіргі уақытта жігіттің мүрдесін жақын күндері Прагадан Алматыға жеткізу үшін әуе компаниясымен келіссөздер жүргізіліп жатыр.
Мұнымен қатар, 27 жастағы Есет Алпысбаевтың Прагада жүріп қатерлі ісіктен көз жұмғаны белгілі болды. Ол аталған қалада 2011 жылдан бері тұрып жатқан. Марқұмның досының айтуынша, жігіттің асқазаны қатты ауырып, чехиялық ауруханаға түскен.
«Оған чехиялық ауруханада ота жасалуы тиіс еді. Алайда отаға дейін жүрегі шыдамапты. Жақсы жігіт еді. Қыркүйектің 6-сынан 7-сіне қараған түні қайтыс болған», – дейді марқұмның досы Әділет Молдашев.
