Ақтөбеде полицейді тістеп алған келіншек енді бір жыл көңіл көтеретін орынға бара алмайды, деп хабарлайды Neonomad.kz ақпараттық агенттігі Диапазон сайтына сілтеме жасап.
26 жастағы жас келіншек тұрғындардың шағымына келген тәртіп сақшысын тістеп алған. Нақтырақ айтқанда, бойжеткен оның білегінен тістеп, бетін тырнап алған.
Азаматша «билік өкіліне қатысты күш қолданды» деп айыпталды. Есін жиған келіншек енді мұндай әрекет жасамауға уәде берді.
Сот нәзік жандының тұрақты жұмысы жоқ екенін және жалғызбасты ана екенін ескере отырып, бір жыл бас бостандығынан шектеді.
Сотталушыға жаза мерзімі аяқталғанша көңіл көтеретін орынға баруға тыйым салынды.
