Таразда подъезде кішкентайға қызға азғындық жасаған ер адам ұсталды, деп хабарлады Neonomad.kz ақпараттық агенттігі Sputnik Қазақстан сайтына сілтеме жасап.
Жамбыл облысы полиция департаментінің басшысы Арман Оразалиевтің хабарлауынша, оқиға Тараз қаласының көпқабатты үйлерінің бірінде болған.
«24 қыркүйекте сағат 19:00 шамасында Тараз қаласының мөлтек аудандарының біріндегі көпқабатты үйдің подъезінде белгісіз ер адам мас күйінде 9 жасар қызға күш қолданбай азғындық әрекеттер жасап, қылмыс орнынан бой тасалаған. Бұл дерек бойынша Тараз қаласының полиция басқармасы қылмыстық кодекстің 124-бабының 1-бөлігі (жас балаға азғындық әрекет жасау) бойынша сотқа дейінгі тергеп-тексеру амалдарын бастады», – деді Оразалиев.
Кешенді іздестіру іс-шараларының нәтижесінде 24 жастағы облыс орталығының тұрғыны ұсталды. Ол өз кінәсін толығымен мойындап отыр.
Белгілі болғандай, күдікті үйленген, екі баланың әкесі. Ол қпзір уақытша ұстау изоляторында.
«Наркологиялық және психоневрологиялық диспансерлерде, сондай-ақ «педофил» санаты бойынша есепте тұрмайды. Аталған баптың санкциясы 5 жылдан 10 жылға дейін бас бостандығынан айыру түріндегі жазаны көздейді. Полиция департаменті ата-аналарды мұқият болуға және осыған ұқсас жағдайларды болдырмау үшін жас балаларды қараусыз қалдырмауға ескертеді», – деп жазды полиция департаментінің басшысы.
