30 қазан күні сағат 17.35-те «ШЕП» БП-де кезекші полиция қызметкерлеріне Бауыржан Байдуллаұлы жүгінді. Жүргізуші белгісіз әйел көпірден секіріп түскенін айтты, деп хабарлайды Neonomad.kz ақпарат агенттігі Павлодар облыстық полиция департаментіне сілтеме жасап.
«Мен өз істерім бойынша Ленин ауылына бардым. Сағат 17.30-да қалаға оралдым. Павлодар жағына қарай бара жатқан кезде, көпірден секірмекші болған әйелді байқадым. Оның ниетін түсініп, мен бірден тоқтап, оның жағына жүгірдім. Мен оған жүгірген кезде, әйел адам көпірдің шетінде отырып, секірмекші балған. Аз уақыттың ішінде оған жақындап, артынан ұстап, жерге түсірдім. Одан алкоголь иісін сездім. Әйел жылап, оның ауыр өмірі мен шаршағанына шағымданды. Оны сабырға шақырып, содан кейін полиция қызметкерлерінің қолына тапсырдым», – дейді Бауыржан Байдуллаұлы.
Кейін 30 жастағы павлодарлықтың үш кәмелетке толмаған баласы бар екені анықталды. Бұл күні өз туыстарымен ұрысып қалып, өз-өзіне қол жұмсамақшы болды. Бауыржан Балымұргенов 45 жаста, жүргізуші. Өзін батыр деп санамайды, оның орнында әркім осындай әрекет жасайды деп санайды.
Облыстық полиция департаментінің басшылығы үш баланың анасын құтқарған батырды марапаттау туралы бұйрық дайындауда.
