Павлодарда полиция қызметкері асылып қалған жерінен табылды, деп хабарлайды Neonomad.kz ақпарат агенттігі.
Облыстық полиция департаментіндегілер аталған деректе растады.
«Аталған дерек бойынша тергеу жүргізіліп жатыр. Тиісті сараптамалар тағайындалды. Нәтижесін кейінірек хабарлаймыз», – дейді Павлодар облысы ПД баспасөз хатшысы Жанна Біләлова.
Tengrinews.kz порталының мәліметінше, қаладағы көпқабатты үйлердің бірінің маңындағы гараждан ер адамның табылған. Көз жұмған ер адм Павлодар аудандық полиция бөлімі басшысының орынбасары, 34 жастағы Руслан Оспанов болып шықты.
Ал марқұмның туыстары оны өзіне қол жұмсауға жеткізген болуы мүмкін деген пікірде. Айтуларынша, Оспанов соңғы уақытта полиция департаментінің тергеу бойынша басшылығына жиі шағымданыпты.
«Ол өзін қыспақтап, жұмыс істеуге мүмкіндік бермегенін айтты», – дейді марқұмның ағасы Әбілқасым Оспанов.
