Павлодар облысында болашағы жоқ 17 ауыл бар. Олардың тағдырын маслихат депутаттары шешіп жатыр, деп хабарлайды Neonomad.kz ақпараттық агенттігі «Астана» телеарнасына сілтеме жасап.
Мысалы, облысытағы Көктерек ауылында небәрі 9 үй қалыпты. Адам санына келетін болсақ – 28 тұрғын бар.
Мектеп пен медициналық мекеме және балабақша болмағандықтан ауылдықтар көрші елдімекендерге қатынайды. Сондықтан облыс билігі Мәмәйіт ауылына қоспақ.
Павлодар облысында барлығы 355 елдімекен бар. Оның 17-сінің халқы 50 адамнан кем. Сондықтан жергілікті әкімдіктер тұрғындармен түсіндіру жұмыстарын жүргізіп, ауылдардың әкімшілік-аумақтық құрылымын қайта қараған, деп хабарлайды телеарна.
«Еліміздің әкімшілік-аумақтық құрылымы бойынша ауылдық елдімекендерде тұрғындары саны 50 адамнан кем болмауы керек. Аталған ауылдарда халық саны тым аз. Сол себептен елдімекендерді оңтайландыру туралы шешім қабылданды. Бұл бюджет қаражатын үнемдеуге және қосымша қаражат бөлу үшін жасалмаған», – дейді Павлодар облыстық Экономика және бюджеттік жоспарлау басқармасының бөлім басшысы Дәурен Тұрғылдинов.
Биыл Павлодар облысында жыл басынан бері 3 елдмекен жақын ауылдарға қосылған. Енді өңірде болашағы жоқ деп саналған 7 елдімекен қалды. Олардың да келешегі алдағы уақытта өз шешімін таппақ.
