Солтүстік Қазақстан облысында пара алған бастық айыппұл төлеп, жазадан құтылды, деп хабарлайды Neonomad.kz ақпараттық агенттігі Zakon.kz сайтына сілтеме жасап.
Сыбайлас жемқорлыққа қарсы қызметі «СҚО Шал ақын ауданының ветеринария бөлімі» КММ басшысы Қ.Б.Уаисовқа қатысты пара алды деген күдікпен сотқа дейінгі тергеуді аяқтады.
Уаисов әкімшілік жауапкершілікке тартпағаны үшін азаматтан 100 мың теңге көлемінде пара алған. Бұған қоса, айыпталушы тиісті ілеспе ветеринариялық құжаттарсыз ірі қара малын аудан аумағында тасымалдауға (орнын ауыстыруға) көмектескені көрсеткені үшін ақша алды деп айыпталған болатын.
25.09.2019 жылы Петропавл қалалық сотының үкімімен Уаисов К.Б. пара алғаны үшін кінәлі деп танылып, оған 3 млн теңге мөлшерінде айыппұл және өмір бойы мемлекеттік қызметте және жергілікті өзін-өзі басқару органдарында лауазымды қызметпен айналысуға тыйым салу жазасы белгіленді.
