Қырғызстанның экс президенті Алмазбек Атамбаев өзінің отбасы мен бейбіт тұрғындар үшін қорқып отырғанын айтып видеоүндеу жолдады. Айтуынша, әкесі заңсыз қамауға алынып отыр, деп хабарлайды Neonomad.kz ақпарат агенттігі.
«Өзім суретшімін. Ешуақытта саясатқа араласып көрмедім. Алайда қазіргі биліктің әрекеттеріне, әкемнің заңсыз ұсталуына қарап, аузымды жауып отыра алмаймын. Отбасым мен бейбіт тұрғындар үшін қорқамын», – деді Шагиева.
Айтуынша, дәл қазір оппозициялық телеарналар өшіріліп, құқықтық нормалар бұзылып, БАҚ-та жалған ақпарат тарап жатыр. Сондай-ақ, ол әкесінің тергеуге тек темір торға қамау үшін шақырылғанын айтты.
«Әкемді қамауға алудың астарында оның оппозициялық әрекеттері жатыр. Көптеген жақтасына да осылай жасағысы келеді. Мысалы, Кубан Кулпатов пен Сапар Исаков. Оларды бастапқыда куәлік алу үшін керек деп шақырып, артынша қамауға алды. Ал әкем биліктен конституциялық соттың шешімін күтуді талап етті», – дейді ол.
Посмотреть эту публикацию в Instagram
Сондай-ақ, ол әкесінің бұл іске қатысты бар білгенін БАҚ-қа айтып қойғанын, қажет болса, куәлігін жазбаша түрде жолдауға әзір болғанын жеткізді.
«Әкем жағдай құқық арнасына кіріп, конституциялық соттың шешімі шықпайынша біздің өзімізді қорғауға құқығымыз бар екенін айтты. Кез келген экс президентті қолға түсіру әрекеттері автоматты түрде қылмыс болып саналады», – деді Әлия Шагиева.
Естеріңізге сала кетсек, осы уақытқа дейін экс президенттің өз еркімен берілгені туралы хабарлаған едік.
