Шығыс Қазақстан облысының Путинцево ауылында бүтін бір отбасы тілсіз жаудан зардап шекті. Өрт сөндірушілерді оқиға куәгерлері мен көршілер шақырған, деп хабарлайды sputniknews.kz сайты 24.kz-ке сілтеме жасап
Көршілер отбасының төрт мүшесін өрттен алып шыққан: 62 жастағы және 35 жастағы әйелдер, 14 жастағы қыз бен 4 жасар ер бала.
Зардап шегушілер ауруханаға жатқызылды, деп хабарлайды Шығыс Қазақстан облысы төтенше жағдайлар департаментінің баспасөз қызметі.
Өрт сөндірушілер үйінді астынан 1965 жылғы ер адамның денесін тапты.
Өрттің жалпы аумағы – 64 шаршы метр. Толығымен сөндіруге бес сағат кеткен.
Мамандардың айтуынша, өрттің себебі электр желісінің істен шыққандығы болуы мүмкін.
