Ақтөбеде өз үйінде зорланған 9 жастағы қызға ота жасалды, деп хабарлайды Neonomad.kz ақпараттық агенттігі Nur.kz сайтына сілтеме жасап.
«Баланың жағдайы қазір қалыпты, ем алып жатыр. Әкелгенде бала есін жоғалтпаған. Ота жасалып, қан тоқтатылды», – дейді облыстық балалар ауруханасының дәрігері Егор Роскидайло.
Ал ұстаздар оқушының мектепте үздіктердің қатарында болғанын айтады.
«Кеше бала отадан шыққанша түнгі сағат 12-ге дейін сынып жетекшісімен бірге қасында болдық. Бала оқу үздігі, сабақты жақсы оқиды, алғыр, мектебіміздің жұлдызы деуге болады. Бізде бастауыш сыныптар бойынша 300 бала оқиды. Мектеп ішіне, сыртына бақылау камералары қойылған. Күдіктіні көрген жоқпыз. Оқушының үйге жалғыз қайтуға ата-ананың берген рұқсаты бар», – дейді мектеп директордың орынбасары Гүлшара Қаусова.
