Қазақстанда сексуалды зорлық қылмысы өсуде. Үстіміздегі жылдың алты айының өзінде 800 әйел зорланған, деп хабарлайды Neonomad.kz ақпараттық агенттігі Еуразия бірінші арнасына сілтеме жасап.
Статистикаға сүйенсек, Қазақстанда әр бес жарым сағат сайын бір әйел зорланады, ал әр тәулік сайын бір бала зорлыққа ұшырайды.
Бірақ өкініштісі – жәбір көрген қыз-келіншектер қылмыс жайында дер кезінде арызданбайды екен. Уақытты өткізіп алуда. Ұялады, жұрт не дейді деген сөзден қорқады.
Солардың бірі – Мөлдір. Оны 18 жасында сыныптасы күштеп зорлап тастатапты. Жүрегінде шемен болған оқиға жайлы бойжеткен тек 13 жылдан кейін ғана айтқан. Тіпті, оның өмірінде мұндай оқиға екінші рет бола жаздаған.
«Екінші рет, менің жасым жиырма бесте болатын, ол кезде зорлық болған жоқ. Мен ол кезде келісім-шартпен әскер қатарында болғанмын. Сол бастықтарымның бірі. Бірақ әрекеттенді. Ол шешіндіруге, өзінің жыныс мүшесін ұстатуға неше түрлі қысымдар көрсетіп, жоқ қаламаймын, жіберіңіз деген сияқты сөздерді естіген де жоқ. Құлағына да асқан жоқ. Одан кейін мен арыз жазғанмын. Бірақ, жұмыста көрсеткен қысымнан кейін арызымды қайтарып алып, жұмыстан шығып кеттім», – дейді Мөлдір.
Заңгерлер мұндай жағдайдп бірден құзырлы органдарға шағымдануға кеңес береді. Бір ай не бір жыл өткен соң қылмыстың болғанын дәлелдеу қиын болатынын айтады. Және кінәлі адам жазадан құтылып кетеді.
«Өзіне қатысты қылмыстың болғанын дәлелдеу қиын. Дәл уақытысында арызданса ол арызы қабылданып жаңа айтып кеткендей сот- медициналық сараптама, сонымен қатар биологиялық сараптамалар тағайындалып, өз дәлелін табуға және қылмысты сотқа жолдауға үлкен мүмкіндік береді», – Абзал Бекбосынов, заңгер.
Бас прокуратура келтірген деректер де жаға ұстатады. Былтыр әйелдерге қатысты – 1332, кәмелет жасына толмаған балаларға қатысты 231 құқық бұзушылық тіркелген. Бұл арыздардың тек 454-і ғана сотқа жіберілген. Биылғы алғашқы жартыжылдықтағы статистика да көңіл көншітпейді.
ӘЙЕЛДЕР МЕН КӘМЕЛЕТКЕ ТОЛМАҒАН БАЛАЛАРҒА ҚАТЫСТЫ ТІРКЕЛГЕН ҚҰҚЫҚ БҰЗУШЫЛЫҚТАР:
2018 жылы
Әйелдерге қатысты – 1332
Кәмелетке толмаған балаларға қатысты 231
2019 жылдың 6 айында
Әйелдерге қатысты – 797,
Кәмелетке толмағандарға қатысты -179
Ал психологтердің айтуынша, зәбір көрген қыздар мамандарға өз еркілерімен емес, ата-аналары мен туыстарының айтуымен келеді екен.
«Көп ортада біздің жастарда жыныстық сауаттылық жоқтың кесірінен осындай нәрсенің болып жатқанын байқадым. Сондықтан жыныстық сауаттылық деген арнайы білімді, жан-жақты білетін кісілердің ұйымдасып істейтін нәрсесі. Біздің жастарымыз жыныстық тұрғыда сауатсыз. Соның да нәтижелерінің бірі осы. Ұлдардың өзінің, қыздардың өзінің жыныстық сауатсыздығынан. Соның да көлеңкесі түсіп отыр», – Серікгүл Сали, психолог.
Деректерге сүйенсек, әлем бойынша зорланған қыз-келіншектердің арызының 35 пайызы ғана полицияда тіркеледі екен.
