Қостанайда қос ғашық балабақша ішінде жанжалдасып қалып, ер адам әйелге 22 рет пышақ сұққан, деп хабарлайды Neonomad.kz ақпараттық агенттігі «Алау» телеарнасына сілтеме жасап. 

Белгілі болғандай, ер адам қылмысқа қызғаныштан барған. Оқиға 17 қыркүйек күні болыпты. Қала төңірегінде тұратын ер адам азаматтық некедегі әйелімен арадағы түсініспеушілікті жою үшін оны балабақшаға шақырады. Сұрақ-жауап кезінде жанжал шығып, мас ер адам сүйіктісін пышақтап тастайды.

«Отбасылық өзара жанжал кезінде қызғаныштан көзі тұнған ер адам әйелдің бетінен жұдырығымен бір қойып, артынан пышақ сілтеген. Пышақ басына, кеудесіне, қарнына, мойнына, иығына кем дегенде 22 рет сілтелген, кеудесінен де ауыр соққы алған», – деді прокурор Амангелді Рахметжанов.

Белгілі болғандай, қылмыскер-жылқышы пышақты әрдайым өзімен бірге алып жүреді, өйткені ол мал союға арналған жұмыс құралы болған. 32 жастағы әйел көптеген жарақат пен қабырғаларының сынғанына қарамастан аман қалды. Куәгерлер адуынды ер адамға тосқауыл бола алған. Қазір ер адамға «кісі өлтіруге оқталу» деген айып тағылды.

Әйел сотталушымен 11 жыл бірге өмір сүрген, ортақ бір баласы бар.

Қылмыс балалар ойын бөлмесінің аумағында болған, ол уақытта бүлдіршідер басқа қабатта ұйықтап жатқан.

Ол сүйікті әйелінің сөйлесуге шығуын өтінгенде шықпай қойғаны үшін қатты ренжіген, бірақ ол оны қатты ұрмадым дейді.