Жуырда депутат атанған Нұрлан Әлімжан алғашқы жұмыс күнінде мәжіліс төрағасы Нұрлан Нығматулиннен сөз естіп қалды. Актер отырыс кезінде орнынан тұрмаған болатын, деп хабарлайды Neonomad.kz ақпарат агенттігі.

Мәжілісмен Нұрлан Нығматулин президенттің рөлін сомдаған Нұрлан Әлімжанға орнынан тұрмағаны үшін ескерту жасады. Артынша спикер бұл ескертуінің әзіл аралас екенін байқатты.

«Нұрлан қайда? Орныңнан тұру керек. Ал біз саған қол соғамыз. Отыр», – деп күлді Нығматулин.

Артынша Әлімжан ант қабылдап, ұлтқа адал қызмет ететінін, ел тәуелсіздігін сақтап, депутат қызметін адал алып жүретінін айтып уәде берді.

Әлімжанның сөзінше, депутаттар оны мәжілістің мәдени дамуына атсалысу үшін сайлаған. Бұған дейінгі отырысқа келмей қалған Нұрлан Әлімжан осылайша ант беру рәсімін кеш орындады.