Еңбек және халықты әлеуметтік қорғау министрі Біржан Нұрымбетовтың сөзінше, тиісті заң қабылданса «оралман» сөзі қолданыстан шығады, деп хабарлайды Neonomad.kz ақпараттық агенттігі. 

«Мемлекет басшысы «оралман» терминін «қандас» етіп өзгерту туралы тапсырма бергенін білетін боларсыздар. Сондықтан, бұл норма осы заң жобасында талқыланады және егер болашақта заң қабылданатын болса, «оралман» ұғымы «қандас» сөзімен ауыстырылады», – деді Нұрымбетов.

«Көші-қон процестерін реттеу мәселелері бойынша кейбір заңнамалық актілерге өзгерістер мен толықтырулар енгізу туралы» заң жобасының қорытындысында көрсетілгендей, Отанға оралған этникалық қазақтарға қолайлы жағдай жасау және сыртқы еңбек көші-қонының тиімді жүйесін құру, көші-қон заңнамасын жетілдіру үшін осы заң жобасы әзірленді.