Ашуға мінген оппозиционерлер мемлекеттік телеарна мен радиостанцияны басып алды, деп хабарлайды Neonomad.kz ақпараттық агенттігі РИА Новости сайтына сілтеме жасап.
«Ереуілге шыққандар біздің студияны қоршап алып, екі сағат бойы ұстап отырды. Олар біз журналистік қызметімізді тоқтатпаған жағдайда құрылғыларды қиратамыз деп қорқытты», – деді радистанция директоры Иван Мальдонадо.
Мемлекеттік БАҚ шоғырланған ғимараттан журналистер мен қызметкерлердің кетуге мәжбүр болғанын айтылуда.
Бұған дейін Боливия президенті елде мемлекеттік төңкеріс болғанын айтқан еді, ол Twitter желісіндегі парақшасында ереуілге шыққандарды айыптап, «диктаторлық режимдегідей» әрекет жасап жатыр деп айыптады.
Ереуілге шығуға президент сайлауында дауыстарды санау нәтижесі себеп болған.
