Көкшетауда қоныс колониясында жазасын өтеп жүрген ер адам әйелді зорлады, деп хабарлайды Neonomad.kz ақпараттық агенттігі КТК арнасына сілтеме жасап. 

Телеарнаның ақпаратынша, жазасын өтеп жатқан 30 жастағы ер адам әйел зорлады деп айыпталып, үстінен қылмыстық іс қозғалды.

Ол ЕЦ 166/24 мекемесінде жазасын өтеп жатқан. Полиция бұл ақпаратты растады.

«Зорлау фактісі бойынша қылмыстық кодекстің 120-бабының 1-бөлімі (Зорлау) бойынша сотқа дейінгі тергеу жүргізіліп жатыр. 1989 жылы туған күдікті қазіргі уақытта қамауда отыр», – деп хабарлады Ақмола облысы полиция департаментінің баспасөз қызметі.

Тәртіп сақшылары қосымша ақпарат беруден бас тартты.

«Басқа мәлімет ҚР қылмыстық-процессуалдық кодексінің 201-бабына сәйкес жариялауға жатпайды», – деді баспасөз қызметіндегілер.

Ресми емес ақпарат бойынша, әйел жиһаз сататыны туралы хабарлама берген. Тауарды көруге келген қылмыскер әйелді сол жерде зорлап тастаған.