Танымал қазақстандық сазгер, әнші Қыдырәлі Болманов қытайлықтарды соққыға жыққан ер азаматтарды қорғап сөйледі, деп хабарлайды Neonomad.kz ақпарат агенттігі.
Бұл туралы сазгер өзінің Instagram парақшасына жазба қалдырды.
«Үйіңе келген «қонағың» саған» әкіреңдеп, дауыс көтеріп, одан қалды, бауырыңа қол көтеріп жатса, қанша сабырлы болса да, текті атадан туған, бабалары шетінен батыр ұл қарап тұра алмас болар! Сендер – саналы да намысты бауырларымызсыңдар! Бұл жерде ешбір бұзақылықты қолдау, өз елім екен деп кез келген шетелдікпен төбелес деген ақымақтық ой жоқ!
Ешқандай үндеу салу жоқ! Өкініш бар… Неге? Қалай? – деген сияқты жауабы сұрақтар бар… Қалай болса да, сендерден кешірім сұраймын, бауырларым! Елінің намысын ойлап, Қазақстан мемлекеті үшін отқа да, суға да түсуге дайын, намысты бауырларымды арзан «басбұзарлыққа» қия алмаймын. Іш қазандай қайнады… Алла жар болсын! Осы сынақтан абыроймен, аман-есен, ертерек шығып, Алланың жақсы күндерінде қауышуды нәсіп етсін», – деді Қыдырәлі Болманов.
Посмотреть эту публикацию в Instagram
Бұған қоса ол азаматтарды сотқа тартқанына өз наразылығын білдіріпті.
