Алматы облысында күйеуін өлтірді деген күдікпен 55 жастағы әйел қамауға алынды, деп хабарлайды Neonomad.kz ақпараттық агенттігі Zakon.kz сайтына сілтеме жасап.
Оқиға 31 қазанда болған. Сарыөзек ауылының тұрңыны полицияға хабарласып, күйеуінің қайтыс болғанын айтады.
Оқиға орнына жеткен полиция қызметкерлері 1952 жылы туған еркекті өлі тапқан, оның денесінен көгерген-ісінген қанды жарақаттар байқалып, бұл факті тіркеуге алынды. Сондай-ақ оқиға орнынан қылмыс құралы болуы мүмкін деп танылған оқтау табылды.
«Әйелді полиция бөлімшесіне жеткізіп, сұрақ-жауап алынды. Ол отбасылық жанжал кезінде ішімдік ішіп, масайып алған күйеуін қолымен де және оқтаумен де сабағанын айтты. Әйелге қатысты ҚР Қылмыстық кодексінің 99-бабы, яғни «Кісі өлтіру» бойынша қылмыстық іс қозғалып, оны қамауға алынды», – дейді Алматы облыстық полиция департаментінің баспасөз қызметі.
Қылмыстық істің мән-жайы анықталып жатыр.
