20 жастағы отандасымыз енді алдағы екі жарым жылын сол елдің түрмесінде өткізуі тиіс. Адвокат жеткіншектің өзі жолға жүгіріп шыққанын алға тартып, жеңіл жаза сұраған екен. Алайда зардап шеккен баланың ата-анасы қарсылық танытыпты, деп хабарлайды Neonomad.kz ақпарат агенттігі КТК арнасына сілтеме жасап.
Отандасымызға кешірім беруден бас тартты. Айтуларынша, баланың еміне 60 миллион вон жұмсапты. Ал бұл 50 мың доллардан астам ақша. Одан қалды, отандасымыз бұл елде бір жылдан астам заңсыз жүрген. Оқиға орнынан кетіп қалуы да істі қиындатыпты. Көлік жүргізуге рұқсаты болмаған. Бірақ адвокат бұл үкіммен келіспей отыр. Өйткені жеткіншек жолдың рұқсат етілмеген жерімен жүгіріп өткен. Ал оны қаққан жігіт балаға көмек көрсетіліп жатқанына көз жеткізгеннен кейін ғана оқиға орнынан кетті дейді. Қандасымыздың өз еркімен Сеулге оралуы да іске көмектесуі тиіс.
«Жеті күннің ішінде ол өзінің шешімі бойынша апелляцияға беруге құқылы. Адвокаты ол құқықты орындады. Енді екінші соттың шешімін күтеміз», – деді СІМ ресми өкілі Айбек Смадияров.
