Кезекте тұрған теміртаулықтар үшін салынып жатқан көп қабатты үй бұзылып, қайта салынатын болды. Өйткені үй бір жағына қисайып кетті, деп хабарлайды Neonomad.kz ақпараттық агенттік Жас Алаш сайтына сілтеме жасап. 

31 шілдеде эксплуатацияға берілуі тисі болған үйден ақау табылды. Мамыр айында көп қабатты үй бір жағына қисая бастаған. Ал пәтерлердің қабырғалары болса сөгіліп, жарылған.

Осы кезде  мердігер Агропромстрой ЖШС-нің басшылығы «қабырғаның жарылуында  тұрған ештеңе жоқ. Құрылыс жұмыстарын жалғастыра беруге болады. Үйді қыста бастағандықтан соның әсері болуы керек», деп мәлімдемесімен сабырға шақырған.

Алайда  қадағалаушы мамандар, бүгінде осы үйді және қасында көршілес салынып жатқан екінші бір тұрғын үйді қабылдаудан бас тартқан.

Аталмыш үйге кезекте тұрған 50 отбасы  қоныстануы керек болған. Алайда армандарына қол жеткізе алмады.

«ҚазМИРР»институтының мамандары бұл үйді үш ай бойы тексеріп, ақыр соңында «үйдің бір бөлігі 3 милиметрден 30 милиметрге дейін қисайған» деген қорытынды жасады.

Құрылысы аяқталыпанализ алған үйдің жобасын жасаған мамандар мен құрылысшылар қателік жіберген көрінеді.

«Біз енді күтіп отырмаймыз, үйді бұзып қайтадан салу керек деген шешімге келдік. Қазірдің өзінде  ғимаратты бұзу  демонтаж жұмыстары қолға алынды», – деп мәлімдеді Теміртау қаласының әкімі Ғалым ӘШІМОВ.

Дауға ұласқан екі тұрғын үйді салу үшін қалалық және республикалық бюджеттен 740 млн теңге бөлініпті.Осылайша салғырттықпен қателіктің салдарынан кезекте тұрған 100 отбасына баспананы тағы күте тұрудан басқа амал қалмайды.