«Астанада автобуста орын бермеген жеткіншек ер азаматтан таяқ жеді», – деген ақпаратпен Instagram желісіндегі astana_drive парақшасында видео жария болды, деп хабарлайды Neonomad.kz.
«Сәлем, @astana_drive бүгін іші адамға лық толы автобуста едім, оған екі баласымен бір әйел мінді. Ешкім орын бермейтінін айтып, шағымдана бастады. Сөйтіп бір жасөспіріммен сөзге келіп қалып еді, үлкен кісі әлгі жас жігітті сабап тастады», – дейді видеоны жіберуші.
Видеода жасөспірімді орындықтан тұрғызу үшін, оны ұрып жатқан ер азаматтың түрі анық көрінеді.
Жазбаның астында түрлі пікірлер жазылған. Бірі жасөспірімнің өзіне кінә артса, екіншілері ер кісі дұрыс жасамады, өте дөреклік танытқан деуде оқырмандар.
«Барар жеріне дейін тұрып барса ештеңе бола қоймас. Егер ұнамаса, таксимен жүрсін. Менде балаларыммен жүремін, тұрып тұрған күндерім болған», «Ер азамат біртүрлі, оқиғаны бұлай қалдырмас», «Бұл өмірге не болып барады, орын бермеді ме, мейлі. Мүмкін ол қатты сырқаттанып отырған болар, негізінде адамдар бір-біріне орын берулері тиіс емес», «Сайып келгенде, екеуінің де жасағаны дұрыс емес. Жасөспірім орын бермеді, ал ер азамат болса оны ұрып тастады», – дейді оқырмандар.
