Атырау облысының әкімі сәби өліміне қатысы бар перзентхананың жабылмайтынын айтты, деп хабарлайды Neonomad.kz ақпараттық агенттігі Nur.kz сайтына сілтеме жасап.

Әкімнің сөзінше, жұмыстан шығуға арыз берген дәрігерлер әлі күнге дейін жұмысын тоқтатпағандығын айтты.

«Перинаталдық орталық жабылған жоқ. Оның тек бір қабаты ғана санитарлық нормаларға сәйкес келмегендіктен жабылды. Ал сол жердегі жүкті әйелдерді қалалық ауруханаларға орналастырдық», – деді өңір әкім бүгін орталық коммуникациялар қызметінде өткен брифингте.

Әкімнің айтуынша, перзентханадағы ауа айналымы жүйесі жөндеуден өткен.

«Қажетті сараптама аяқталған соң, жүкті әйелдерді қайтадан сол жерге ауыстырамыз. Перинаталдық орталық жабылмайды. Ол жұмыс істеп жатыр», – дейді Ноғаев.

Айта кетсек, перзентханадағы сәбидің өлімінен соң дәрігерлер жұмыстан шығуға арызданған болатын. Ноғаевтың сөзінше, ешкім жұмыстан шақпаған.

«Қазір төрт дәрігер арызын кері қайтарып алды. 28 дәрігермен түсіндіру жұмысын жүргізудеміз. Оларға кәсіби маман ретінде медицинаға қолдау көрсетіп, жұмысын әрі қарай жалғастыруы керектігін айтып жатырмыз. Қазір ешкім жұмысынан шыққан жоқ», – деді облыс әкімі.

Еске сала кетсек,

облыстың бас акушер-гинекологы пара беремін деп ұлттық бюро қызметкерлерінің назарына ілінген. Осы іс бойынша телефонын тыңдау кезінде оның тағы бір қылмысы әшкереленген. Яғни,базаға өлі туды деп тіркелген сәби тірі болып шыққан. Директордың бұйрығы бойынша нәрестені тоңазытқышқа салып қойғанын жаздық.

Кейін белгілі болғандай, дәрігерлер электрондық мәліметтерді түзетуді қиынсынған үшін осындай қадамға барған. Оқиға 30 қыркүйекте белгілі болды. Бұл туралы денсаулық сақтау вице-министрі айтып берді.

Жаңа туған сәбидің анасы сол күні болған жағдайды еске алды. Сәби 24 жастағы келіншектің тұңғышы екенін жаздық.

Орталықтың 23 дәрігері қазанның оны күні Тоқаевқа ашық хат жолдағанын жаздық.