АҚШ-тың Нью-Йорк қаласында Қазақстанның БҰҰ жанындағы тұрақты өкілдігі қызметкерінің 4 жасар қызын питбуль тұқымды ит талап тастады. Осының салдарынан қазір қыз бала ауыр жағдайда жатыр, деп хабарлайды Neonomad.kz ақпарат агенттігі Stan.kz сайтына сілтеме жасап.

Оқиға Ривердейл ауданында болған. Бұл жерде көптеген дипломат пен ТМД елдерінен келген дипломаттар жұмыс істейді.

«Қазақстанның БҰҰ жанындағы тұрақты өкілдігі қызметкері Сергей Викторовтың төрт жасар қызын питбуль тұқымды ит қауып алды. Беті мен мойны жарақаттанған. Оқиға салдарынан бала көп қан жоғалтып, жергілікті ауруханаға жеткізілді. Оның жағдайын ауыр деп бағалап отыр», – дейді әңгімелеуші.

Оның сөзінше, оқиға кезінде қызды көршісі арашалап алған. Ол бейсбол таяғымен итті 20 шақты рет ұрыпты. Оқиға елшінің үйінің жанында орын алған. Бұл кезде қыз балабақша барғалы жатқан екен.

«Қазіргі уақытта полиция аталған дерек бойынша тергеу жүргізіп жатыр. Нью-Йорктің заңдық полиция департаменті оқиғаны сарлап, іс қозғау үшін қылмыс құрамы бар-жоғын шешуде. Немесе иттің иелері азаматтық жауаптылық аясында зардап шегуші тарапқа айыппұл төлейді», – дейді тұрақты өкілдіктегі дереккөз.

Ал Викторовтар отбасының танысының сөзінше, қызға ота жасалған. Дәрігерлер оның жағдайын аса ауыр деп бағалап отыр. Қазіргі уақытта қыз жансақтау бөлімінде жатыр. Бәріміз ол үшін дұға жасаудамыз, дейді ол.