Нигерияда радикал исламшыл тобының содырларының шабуылынан кем дегенде 65 адам көз жұмып, 10 адам жарақат алды, деп хабарлайды Neonomad.kz РИА Новости сайтына сілтеме жасап.
Басылымның хабарынша, «Боко Харам» радикал исламшыл тобының мотоцикл мінген содырлары Нигерияның солтүстік-шығысындағы үлкен Майдугури қаласының маңындағы Борно штатына шабуыл жасаған. Олар жерлеу рәсімінен оралған адамдарға оқ жаудырған. Салдарынан кем дегенде 10 адам жарақат алған.
Ел президенті Мохаммад Бухари әскерилерге бейбіт тұрғындарға оқ атқан содырларды табуды бұйырды.
«Боко Харам» радикал тобы батыстың білім беру моделіне қарсы. Олар елде шариғат енгізгісі келеді. Нигер, Камерун және Чад жүргізіп отырған әскери науқанға жауап ретінде жүйелі түрде жүзеге асырылатын лаңкестік әрекеттердің көпшілігі осы топтың ісі.
