11 шілде күні Үндістанның Уттар-Прадеш штатында «үшбасты» қыз бала дүниеге келді. Дәрігерлердің айтуынша, ол сирек ауруға шалдыққан, деп хабарлайды Neonomad.kz ақпарат агенттігі.
Дәрігерлер сәбидің басынан энцефалоцеле анықтаған. Бұл дегеніміз – мидың кей бөлігінің ми қорабынан тыс орналасуы. Осының салдарынан қыздың үш басы бар сияқты болып көрінеді.
Дәрігерлер әйелдің жүктілігінің ойдағыдай өткенін айтады. Қандай да бір қиындықтар болмаған екен. Дәл қазір ақ халаттылары қыздың неліктен мұндай кінәратпен дүниеге келгенін анықтап жатыр.
«Бұл ауру өте сирек кездеседі. Сәбидің тәні толық дамып үлгермеген. МРТ жүргізіп, қыздың «бастарын» бір-бірінен ажырататын боламыз», – деді аурухана өкілі Раджеш Тхакур.
