Үндістанда Моғолдардың падишаһы Бабурдың бұйрығымен тұрғызылған көне Бабри метіші қиратылады, деп хабарлайды Neonomad.kz ақпараттық агенттігі islam.kz сайтына сілтеме жасап.
Қиратылғалы жатқан көне мешіттер Үндістанның Айдоһия қаласында орналасқан. Бабри мешітінің орнына пұтхана салынатын болады.
2019 жылдың қараша айының 9-ы күні аталған елдің жоғарғы соты осындай шешім қабылдаған.
Үнділердің айтуынша, аталған ежелгі мешіттің орнында пұтқа табынушылардың Рама құдайы дүниеге келген сарай болған. XVI ғасырда мұсылмандар аталған сарайды жермен-жексен етіп, оның орнына мұсылмандардың ғибадат ғимаратын тұрғызған.
1992 жылы 150 мың адамнан тұратын үнді радикалдары осынау тарихи кешенді тас-талқан етіп, үйіндіге айналдырған болатын. Естеріңізде болса, соңғы уақытта үнді радикалдары ұлтшылдықты ту етіп, тарихи маңызы зор ислами ескерткіштер мен елді-мекендердің және жер-су атауларын өзгерткен болатын. Осылайша аталған ел аумағында исламды еске түсіретін бірде-бір белгі қалдырмауға бекем бел буып, асыра сілтеуге жол беріп отыр. Бұл турасында кезінде бірнеше мәрте хабарлаған болатынбыз. Бұл жайында alif.tv ақпарат көзі хабар таратты.
