«Nur Otan» партиясы Саяси кеңесінің кеңейтілген отырысында Назарбаев партияның қатарын тазартуды ұсынды, деп хабарлайды Neonomad.kz ақпараттық агенттігі ҚазАқпарат сайтына сілтеме жасап.
«Сыбайлас жемқорлықпен күресті барынша күшейтіп, партиямыздың қатарын «тазарту» керек. Бұл туралы көп айтып келеміз. Сайланған Президент те жақында осы мәселе туралы айтып кеткен болатын. Әлбетте, біз де, агенттік те жұмыс істер жатыр. Алайда біз бұл күреске халықты тартқан жоқпыз. Сингапурда тәртіп бар: егер мен өз әріптестеріммен бір кабинетте жұмыс істесем, біреу жемқорлыққа барғалы жатса, ол туралы мен айтпасам – сол үшін мені жазалайды. Бізде тіпті ондай психология да жоқ», – деді Нұрсұлтан Назарбаев.
Жемқорлықпен күресте үздік елдердің тәжірибесін назарға алу керек, дейді Назарбаев.
«Егер біз бәрін өзімізден бастамасақ, бұл дертті жеңе алмаймыз. Иә, ІІМ, ҰҚК, агенттік жұмыс жүргізіп жатыр. Ал бізде керісінше, заң бұзушыларды қорғау қалыптасып қалған», – деді Нұрсұлтан Назарбаев.
