33 жастағы қыз өзін Мұхаммед Пайғамбардың ізбасарымын деп таныстырып, жұрттың таңқалдырды. Тіпті 2015 жылы оған аян беріліпті, деп хабарлайды Neonomad.kz ақпараттық агенттігі Zakon.kz сайтына сілтеме жасап.

Мээрим Черикбаева Бішкек қаласының тұрғыны. Оның сөзіне сенер болса, қыз Мұхаммед пайғамбардың ізбасары, Алланың Жер бетіне жіберген соңғы елшісі – Махди екен.

Осыдан 8 жыл бұрын қатты ауырып қалған. Дәрігерлер диагнозын нақтылай алмаған. Осы уақыт аралығында қыз ешкіммен сөйлеспей, тіпті жұмыс істеуге жарамай қала сыртына көшуге мәжбүр болыпты.

Ал 2015 жылы оған аян беріліпті. Түсінде оның маңдайына «Махди» деген сөз жазылып, қасына қара, үлкен мөр басылыпты.

«Ондай мөрді маған ғана басқан, сол кезден бастап мен Махдидің аурасымен өмір сүремін. Бұрын намаз оқушы едім, қазір оны қойып кеттім. Сол түсті көргеннен кейін. Намаз оқып жүргенімде маңдайымнан жарық сәуле шығатын. Қазір ол жоғалып кетті», — дейді Мээрим.

Қыздың сөзінше, осы жайттан соң ол жақындарымен, достарымен сөйлесуден қалыпты. Адамдарға жақындай алмаған себебі – көз тиеді ма деп қорыққан.

«Мен ары қарай тығыла алмаймын! Менің міндетім – айту. Оны енді ел шешсін, басқа Махди енді болмайды!», деп салды ол баспасөз мәслихатында.

Сайттың анықтамасынша, Ислам жорамалы бойынша Махди деген ақыр заман таяғанда Жер бетіне жіберілетін Мұхаммед пайғамбардың ізбасары, соңғы елші.