Автрияда орналасқан Адольф Гитлердің үйінде полиция бөлімшесі ашылмақ, деп хабарлайды Neonomad.kz ақпараттық агенттігі Tengrinews.kz сайтына сілтеме жасап.
Австрияның Браунау-на-Инн қаласында орналасқан нацистік диктатордың үйінде полиция бөлімшесі жұмыс істеуі мүмкін.
2017 жылы Австрияның конституциялық соты бұл үйдің экспроприациялануына байланысты заң қабылдаған.
Автрия билігң аталмыш үй неонацистердің жиналатын орталығына айналып кетуі мүмкін деп сақтанған. ІІМ өкілдері баспана иесіне 812 мың еуро өтемақы төленгенін хабарлады.
«Полицейлердің болашақта осы үйді қолдануы ғимарат ұлтшыл-социализмді еске түсірмейтінін анық көрсетуі тиіс», – деп мәлімдеді Австрия ІІМ басшысы Вольфганг Пешорн.
ІІМ-нің баспасөз хабарламасында ғимаратты қайта жоспарлау үшін билік өкілдері ЕО аясында сәулет байқауына бастамашылық ететіні және оның нәтижелері 2020 жылдың бірінші жартысында белгілі болатыны жазылған.
