Нұр-Сұлтанда екі көлік соқтығысып, салдарынан үш адам қайтыс болды, деп хабарлайды Neonomad.kz ақпараттық агенттігі Tengrinews.kz сайтына сілтеме жасап.
Жол апаты 24 қарашада сағат 06.45-те Қабанбай батыр даңғылы бойында болды.
«Алдын ала мәліметтер бойынша, ВАЗ-21099 маркалы автокөлігінің жүргізушісі Қабанбай батыр даңғылымен Мәңгілік ел даңғылына қарай келе жатып, қарсы жолаққа шығып кетіп, Toyota Camry көлігімен соқтығысты. Нәтижесінде 19 жастағы ВАЗ жүргізушісі мен ондағы екі жолаушы (1997 және 1983 жылғы) көз жұмды», – деп хабарлады полицияның баспасөз қызметі.
Жол-көлік оқиғасының дерегі бойынша ҚР ҚК 345-бабына сәйкес сотқа дейінгі тергеу басталды.
