Елордада 13 автобустың жолақысы төмендейді, деп хабарлайды Neonomad.kz ақпараттық агенттігі Информбюро сайтына сілтеме жасап.
Бүгіннен бастап астанада №20 бағыттағы 13 автобуста жолақыны VISA картасымен төлеуге болады.
«Бұл пилоттық жоба. №20 бағыттағы 13 автобусқа кез-келген банктің VISA картасын оқитын валидаторлар орнатылды. Жүргіншілер ертеңнен бастап бұл жүйені пайдалана алады», – Астана LRT ЖШС басқарма төрағасының орынбасары Бауыржан Сеитов.
Пилоттық оба нәтижелі аяқталса, онда бұл жүйе қаладағы барлық автобустарға енгізілмек.
«Жыл соңына дейін № 20 маршрутта VISA картасымен төлеген жолаушылар үшін жолақы 45 теңге болады», – деп жазады басылым .
Картаңызда сымсыз төлеу (Wi Fi белгісі ) болса, төлем жасау үшін картаны валидаторға тигізу жеткілікті.
«Тексеруді көліктік бақылау департаментінің қызметкерлері жүргізеді. Олардағы терминалдарды біз жүйеге икемдеп қойдық. Олар VISA картасымен өткізілген төлемді де көре алады», – деді Астана LRT ЖШС қоғаммен байланыс қызметінің жетекшісі Науат Азанбаева.
