Астанада қызмет ететін риэлтордың сөзінше, жергілікті тұрғындар пәтер бизнесін қолға алған. Мысалы, автобуста кодуктор болып жұмыс істейтін азаматтың бір өзінде 5 пәтері бар, деп хабарлайды Neonomad.kz ақпараттық агенттігі Nur.kz сайтына сілтеме жасап.
«Мүлік агенттігінде жеті жылдан астам уақыт бойы жұмыс істеп келемін. Астанада пәтерді сату, жалға беру бизнесі жүріп тұр. Бір адамда кейде тіпті он шақты пәтерлері болатын күндер болады және олардың бәрі бай-бағландар емес, кезінде елорда осы жаққа ауысқанда, мүлікті су тегінге сатып алып, қазір бизнес жасап отырған жандар. Мысалы автобус кондукторы болып жұмыс істейтін клиентім бар.
Осында бес пәтері бар. Бәрі жалға береді, өткенде біреуін сатып, жаңасын алды. Сол сияқты ескі пәтерді сатып, үстіне ақша қосып, бизнес жасайтындар жетіп артылады», – дейді риэтор.
