Будапештте өтіп жатқан дзюдодан Гран-при турнирінде Қазақстан алтын медаль жеңіп алды, деп хабарлайды Neonomad.kz Olympic.kz сайтына сілтеме жасап.
Басылымның ақпаратынша, 60 келіде белдескен қазақстандық Елдос Сметов турнир жеңімпазы атанды. Финалда Елдос Сметов пен моңғолиялық Ганбат Болдбаатар кездесті. Тартысты жекпе-жекте Елдос айқын басымдықпен жеңіске жетті.
Осылайша, дзюдодан команда үздігі өз мықтылығын тағы дәлелдеп отыр. Бұл салмақта ел намысын қорғаған тағы бір спортшымыз Ғұсман Қырғызбаев жұбаныш белдесуінде жеңіліс тапты, деп жазады сайт.
Белгілі болғандай, Ганбат Болдбаатар 2014 жылы әлем чемпионы атанса, Елдос Сметов 2015 жылы әлемдік сында жеңімпаз атанған.
