Нұротандық үміткерлер — Бейбіт Асқарұлы, Ілияс Бердалы Түлкібас ауданындағы жеке кәсіпкер, көпбалалы аналардың бірі, «Алтын алқа» иегері С.Қасқабаеваның үйінде қонақта болып, канвассинг кездесуін өткізді, деп хабарлайды Neonomad.kz ақпарат агенттігі.

Кездесу сайлауалды бағдарламаны түсіндіруге бағытталған болатын. 2025 жылға дейін халықтың әлеуметтік жағдайы артатын болады.

Бұл үшін «Nur Otan» партиясы төмендегідей жағдайды жасайтын болады:

• халықтың әлеуметтік жағдайы төмен отбасыларының еңбекке жарамды мүшелерін жаңа жұмыс орындарына орналастыруға;
• демеушілер есебінен (тұрғын үй, азық-түлік пакеттері, қатты отын, нақты ақшалай) әлеуметтік көмектер ұйымдастыруға;
• «Қамқорлық» жобасы аясында ауылдық округтер мен елді мекендерде өтетін қайырымдылық іс-шараларына жалғызбасты және әлеуметтік тұрғыда аз қамтылған отбасыларды тартуға;
• әрбір ауылдық округте материалдық көмек көрсету пунктерін ұйымдастыру арқылы қиын жағдайға тап болған адамдарға қолдау көрсетуге ықпал етеді.

Нәтижесінде 2025 жылға қарай күнкөріс деңгейі төмен халықтың үлесі 28,6%-ға төмендейді. «Алтын алқа» иегері барлық деңгейдегі мәжіліс пен мәслихат депутаттары құрамына 20% жастар, 30% әйелдер кіретіндігін естіп, қолдайтындығын білдірді. Сонымен өз тарапынан жастарға әрдайым қолдау білдіремін деді. 2021 жылдың 10 қаңтарында NUR OTAN-ға дауыс беретіндігін жеткізді.

Сайлауалды үгіт-насихат бағытындағы материалдар «Nur Otan» партиясы Түркістан облыстық филиалының сайлау қорынан төленеді.